لل html validator اهمية كبيرة وفوائد عديدة تساعد مطور الواجهة الامامية في جعل الموقع متوافق مع الاستاندر العالمي لل html ويخلي المطور يستخدم عناصر ال html الاستخدام الصحيح

مدخل :

هل صح تكتب

<a href="#">
<button>click</button>
</a>

ول كده صح

<button>
<a href="#">click</a>
<button>

طيب فكر في الاجابة وكمل معاي

قاعد تعمل validtor للكود البتكتبو لمن تصمم ول لا؟

لو اجابتك لا بنصحك اي كود من اليوم تكتبو حاول تعمل ليهو validtor

طيب لو اجابتك نعم هل استفدت منو ول لا

انا كنت بكتب كود ساي والامور بتمش لحدي ما حاولت مرة ارفع قال علي ثيم فورست فلقيت

قواعدهم وقلت اطبقها من ضمنها الvalidator

استفدت كتير منو ولقيت في الكود رغم انو بكون شغال بس ف حاجات بتكون ما منطقية وما

استاندر نهاي او ما اتعملت عشان تتنفذ بالصورة ده

مثال علي كده

تاق

<h2></h2>

بتلقي ناس كتيرة كاتبة التاق ده وجواهو بلاوي مثلا

<h2><div>hi</div></h2>

لا التاق ده ما اتعمل عشان يتبهدل كده اتعمل عشان للعنوانين مجرد تخت فيهو عنوان هيكون بارز

حتي في الseo لمن يكون في التاق ده ويكون مستخدم صح خورازميات البحث هتتعرف علي الصفحه الموجود فيها وببرز

لكن لمن تستخدمو استخدام غلط اكيد خوارزمية البحث ما هتجيب خبرو

مثال تاني

التاق

<section></section>

اتعمل عشان يدل علي قسم معين

كلنا بنستخدمو صح واي حاجه

لكن تعال مش لمن تشوف اي قسم بتلقي في حاجه بارزة تدل علي انو ده قسم كده

ايوا في تاق زي ده لازم نستخدم جواهو مباشرة تاق العنوان اللي هو

<h1></h1>

علشان يدل علي انو القسم ده عنوانو كده والا ما ينفع يكون قسم كده رايح ساي م معروف هو شنو !

مثال تالت

كلنا بنستخدم الul or ol وبنعمل بيهم trick جميلة وظريفة وكده داخلهم راعي انو ما تستخدم span بعد الli لانو ما منطقي تتخت ال html validtor هتعلمك تستخدم التاقات منطقيا وتمشي مع الاستاندر

طيب نرجع للمدخل الفوق

طبعا المثالثين الفي المدخل غلط

استخدام العنصر او التاق button بالطريقة ده غلط

ماصح الbuuton يكون هو child للعنصر a او العكس طيب والحل شنو ؟

انا عايز زر لمن يضغط عليهو المستخدم يحصل كده!

طيب الموضوع ليهو كذا حل

اولا الطريقة الصحيحة والاستاندر الbutton اتعمل عشان ينفذ event ما عشان ينقلك الي لينك فلو عاوز تستخدمو عشان ينفذ ليك حاجه ليهو attribute من ضمنها type,form,formaction,url,formmethod ..... طيب حل المدخل الفوق شنو بالطريقة الاستاندر ده

تكتب

<button onclick="window.location.href='#';">
    click
<button>
<!-- onclick -->

ده ايفنت في jsdom مجرد ما يضغط هيستدعي الدالة location الموجودة ف المتصفح بتاعك وده من jsbom ويديها اللينك وتمشي عليهو

طيب ممكن بطريقة تانية تعمل زر انت بالعناصر التانية تظبطو من اي ناحية وتخت اللينك بس ما جربتها وحاول تتاكد من انو صحيح ول لا